हांटावायरस म्हणजे काय ? शेतकरी, मजूर, स्वच्छता कामगार आणि उंदरांचा वावर असलेल्या ठिकाणी राहणाऱ्या लोकांना याचा धोका सर्वाधिक?
सध्या (MV Hondius) या एका आंतरराष्ट्रीय क्रूझ जहाजावर हांटाव्हायरसचा (HANTAVIRUS )प्रादुर्भाव झाल्यामुळे जगभरात चिंता व्यक्त केली जात आहे.या जहाजावर काही जणांचा मृत्यू झाला असून जागतिक आरोग्य संघटनेने (WHO) याला दुजोरा दिला आहे. भारतातील स्थिती: या क्रूझवर दोन भारतीय नागरिक होते, परंतु त्यांच्यात कोणतीही लक्षणे नाहीत आणि ते आंतरराष्ट्रीय प्रोटोकॉलनुसार निरीक्षणाखाली आहेत. भारतीय वैद्यकीय संशोधन परिषद (ICMR) च्या मते, सध्या भारतात या आजाराचा कोणताही तात्काळ धोका नाही किंवा 'कम्युनिटी स्प्रेड' (समुदायात पसरल्याचा) पुरावा नाही. असणारा धोका आणि पसरण्याची कारणे (Risks & Causes) हांटाव्हायरस प्रामुख्याने उंदीर आणि घुशींच्या संपर्कात आल्यामुळे पसरतो. जेव्हा उंदराची विष्ठा, लघवी किंवा लाळ सुकते आणि साफसफाई करताना हवेत मिसळते, तेव्हा तो प्रदूषित श्वास घेतल्यास माणसाला संसर्ग होतो. हा आजार कोविड-१९ सारखा एका माणसाकडून दुसऱ्या माणसाकडे सहसा पसरत नाही, मात्र 'अँडीज' (Andes) नावाच्या स्ट्रेनमध्ये असे दुर्मिळ संक्रमण होऊ शक...